Barn og unge er Barneombodet sine ekspertar, og deira erfaringar er ei viktig kjelde til informasjon for oss i arbeidet vårt.

Vi arrangerer til dømes ekspertmøter og ekspertgrupper om aktuelle tema, der vi hentar inn erfaringane til barn og unge. Dette gjer vi anten i samtale med den enkelte, eller i gruppesamtalar.

Andre gonger møter vi barne- og ungdomsråd, besøker skular og andre institusjonar for å få innspel frå barn og unge sjølv.

Vi tar også barn og unge med i arbeidet med planar og strategiar.

I medverknadsarbeidet bruker vi metodar frå vår eiga medverknadshandbok. Denne handboka kan alle bruke, og du finn den i lenkefeltet under.

Ei anna rolle Barneombodet har i barn og unge sin medverknad er å bidra til at dei blir høyrt av andre offentlege instansar, og å syte for at vi har eit regelverk som varetar dette.