Vi passer på barn og unges rettigheter

1. Overvaking

Vi bruker overvaking til å samle og arbeide med kunnskap gjennom informasjon frå barn og unge. Denne informasjonen samlar vi frå

• forsking på området
• møter med organisasjonar
• innsyn i enkeltsaker
• medverknadsprosessar med barn og unge

Ved hjelp av denne informasjonen lagar vi rapportar og anna skriftleg dokumentasjon som vi bruker overfor politiske myndigheiter og samfunnet elles.

2. Påverknad

Barneombodet brukar påverknadsarbeid for å informere om vårt syn i faglege spørsmål:

• Vi har møter med offentlege myndigheiter og politikarar.
• Vi svarar på høyringar og skriv brev til offentlege myndigheiter.
• Vi gir innspel til offentleg nedsette utval.
• Vi ber om tilsyn med offentlege og private instansar som jobbar for og med barn og unge.
• Vi gir innspel til høyringar på Stortinget.

Vi jobbar også med påverknad gjennom vårt generelle kommunikasjonsarbeid.

3. Opplæring

Barneombodet bruker opplæring for å bidra til at offentlege myndigheiter skal ha nødvendig kunnskap om barnekonvensjonen. Dette gjer vi gjennom

• foredragsverksemd om barnekonvensjonen
• nettsider som gir informasjon om barnerettane
• samarbeid med aktørar som kan bidra til å spreie informasjon om barnerettane

4. Rettleiing

Barneombodet bruker rettleiingsarbeid for å bidra til at privatpersonar, helst barn og unge, skal kunne ha nokon å kontakte om dei ikkje opplever å bli høyrt av offentlege myndigheiter.

Vi behandlar ikkje enkeltsaker, men vi svarer på alle spørsmål frå privatpersonar, og rettleiar og viser dei til rett instans.