BARNEOMBODET

Utdanningsdirektoratet Postboks 2924 Tøyen 0608 OSLO

Dykkkar ref:	Vår ref:	Saksbeh:	Arkivkode:	Dato:
	10/01022-3	Janicke Sæther Olsen	008;O;SKB	1.6.2010

Høyringssvar: Forslag om forskriftsfesting av krav om relevant opplæring

Ein viser til høyringsbrev datert 12.05.2010 med forslag om forskriftsfesting av krav om relevant opplæring.

Høyringa omfattar mellom anna forslag om at det blir stilt krav om at opplæringa i fellesfaga for elevar i vidaregående opplæring skal gjerast relevante og tilpassast dei ulike utdanningsprogramma.

Mandat:
Barneombodet skal i høve lov og instruks arbeide for at barn sine behov, rettar og interesser blir tatt tilbørleg omsyn til på alle samfunnsområda. Ombodet skal særleg følgje med på at lovgjevnad til vern om barn sine interesser blir følgd, og at norsk rett samsvarar med dei plikter Norge har etter FNs konvensjon om barnet sine rettar. Ombodet skal av eige tiltak, eller som høyringsinstans, ta vare på barn sine interesser i samband med planlegging og utreiing på alle felt, føreslå tiltak som kan styrkje barns rettsvern, med meir. Ombodet sitt mandat er avgrensa til barn under 18 år.

Direktoratet framhevar:
I St.meld. nr. 44 (2008-2009) Utdanningslina går det fram at departementet meiner det bør vere felles læreplanar i fellesfaga på yrkesfaglege og studieførebuande utdanningsrogram. Begrunninga er ønskjet om å sikre elevar i yrkesfaglege utdanningsprogram gode høve til å oppnå studiekompetanse, og fordi Kunnskapsdepartementet ønskjer å vidareføre prinsippet om at fag- og yrkesopplæringa også skal ha eit allmenndannande innhald.

Samtidig meiner departementet at læreplanane i fellesfag må kunne tilpassast opplæringa i samtlege utdanningsprogram og gjerast relevante for elevane. Dette stiller krav til at opp-læringa også i fellesfaga blir gjort relevante for elevane, og at opplæringa blir tilpassa den studieretninga elevane går på. Ei evaluering av Reform 94 viser at det yrkesretta vart mindre enn det som var forventa. I innstillinga frå Kyrkje-, utdannings- og forskingskomiteen om utdanningslina; Innst. 192 S (2009-2010) meiner fleirtalet at det er nødvendig å leggje betre til rette for yrkesretting av fellesfaga.

Det blir vist til at det ikkje handlar om å senke teorikravet, men å gi dei viktige og nødvendige teoriinnslaga auka relevans. Fleirtalet føreslær at læreplanmåla blir gjennomgått og innretta slik at dei eignar seg for yrkesretting, og at lærarane får tilbod om fagdidaktisk etterutdanning i yrkesretting av teorifaga.

Kunnskapsdepartementet føreslær å halde fram med dagens ordning, som sikrar at elevar i yrkesfaglege utdanningsprogram kan oppnå studiekompetanse, og at fag- og yrkesopplæringa også skal ha eit allmenndannande siktemål. Det blir sett som føresetnad at læreplanane i fellesfag skal vere dei same for alle utdanningsprogram. Men det blir føreslege å sikre at opplæringa i fellesfaga blir gjort relevante for elevar i vidaregåande opplæring ved at den blir tilpassa dei ulike utdanningsprogramma. Forslaget omfattar berre elevar i vidaregåande skole, og berre fellesfaga.

Konklusjon:
Barneombodet støttar forslaget om å halde fram med dagens ordning, som sikrar at elevar i yrkesfaglege utdanningsprogram også kan oppnå studiekompetanse. Vidare støttar Ombodet forslaget om å gjere fellesfaga meir relevante for det valte utdanningsprogrammet.

Barneombodet har tradisjon for å behandle dei meir overordna spørsmål, og overlet detaljane til andre faginstansar med spisskompetanse innanfor området. Barneombodet har, med unntak av å stille seg positiv til forslaget, ikkje tatt stilling til ovanfor nemde høyring.

Med vennleg helsing Knut Haanes nestleiar
	Janicke Sæther Olsen
	seniorrådgjevar