Avgjerder om abonnentval

BARNEOMBODET

Kultur- og kirkedepartementet Postboks 8030 Dep 0030 OSLO

Deres ref:	Vår ref:	Saksbeh:	Arkivkode:	Dato:
	07/00841-2	Kari Stenquist	008;O;BO	26.6.2007

Høringssvar: Avgjerder om abonnentval i kringkastingslova og kringksatingsføreskrifta

Barneombodet viser til høringsdokument frå Barne- og likestillingsdepartementet om ny lov om markedsføring og annan markedspraksis datert den 29.03.2007

Barneombodet skal i høve lov og instruks arbeide for at barn sine behov, rettar og interesser blir tatt tilbørleg omsyn til på alle samfunnsområda. Ombodet skal særleg følgje med i at lovgjevnad til vern om barn sine interesser blir følgd, og at norsk rett samsvarar med
dei plikter Norge har etter FNs konvensjon om barnet sine rettar. Det følgjer av artikkel
3 der det står at "Ved alle handlingar i samband med barn og unge som blir gjort av offentlege eller private velferdsorganisasjonar, domstolar, administrative styresmakter eller lovgjevande organ, skal barnets beste vere eit grunnleggjande omsyn."

I tillegg står det i artikkel 17 (e); "Partane skal oppmodast til utvikling av passande retningsliner til vern av barnet mot informasjon og stoff som er skadeleg for hans eller hennar sitt velvære, då avgjerdene i artikkel 13 og 18 blir tatt omsyn til."

Høringsnotatet om avgjerder om abonnentval i kringkastningslova og kringkastnings-føreskrifta er ei utgreiing av noverande og muleg framtidig praksis som omhandlar kabelselskap og alternative abonnentordningar på TV-kanalar. Dette gjeld i utgangspunktet tema som strekkjer seg ut over Barneombodets arbeidsfelt. Vi ser det difor ikkje som vår oppgåve å gå inn på kva slag metodar kabeleigarar skal nytte seg av i abonnentunder-søkingane sine, heller ikkje korleis grunnpakker og tilleggspakker bør stå fram.

Barneombodet vil likevel nytte høvet til å peike på at abonnentane i utgangspunktet bør kunne få dei kanalar dei ønskjer sjølve, altså eit "à la carte-val" som vist i pkt 3.3. Slik situasjonen er i dag, opplever vi at abonnentane må betale for kanaler dei ikkje ønskjer. Barneombodet har mottatt førespurnader frå publikum som har barn. Dei har reagert på at
dei må vere med å betale for kanaler som inneheld til dømes mykje vald og mjukporno-grafisk innhald eller reklamefinansiert barneunderhaldning.


Enkelte har óg reagert på at det er dei som betalande kundar som må gå aktivt inn og verna sine barn for kanalar dei i utgangspunktet ikkje ønsker å ha, altså ta i bruk ein foreldre- kontroll.

Barneombodet ber departementet om å vurdere desse innspela. Ut over dette har ikkje Ombudet ytterlegare kommentarar til høringa.

Med vennlig hilsen
Reidar Hjermann
barneombod	Kari Stenquist
	rådgjevar

Oppdatert: 30.01.2012 20:56